Køyreturen går frå fjord til fjord over høgfjellet der snøen ligg store delar av sommaren. Utsiktsplattforma Stegastein er ein naturleg stoppestad og byr på ei svimlande utsikt over fjordlandskapet.

Nærøyfjorden med sin verdsarvstatus er ei flott oppleving i området. Flåmsbana og Aurlandsdalen er også kjende attraksjonar i nærområdet til strekninga, som det er verdt å ta med seg. Ein kontrastfylt rundtur får du dersom du kombinerer Aurlandsfjellet med Lærdalstunnelen, som med sine 24,5 km er verdas lengste tunnel.

Nasjonal turistveg Aurlandsfjellet går mellom Aurlandsvangen og Lærdalsøyri og er 47 kilometer lang.

Aurlandsfjellet er vinterstengt. Vegen frå Aurlandsvangen til utsiktspunktet Stegastein er open heile vinteren.

Informasjon om Nasjonal turistveg Aurlandsfjellet, pdf for nedlasting.