Nasjonal turistveg Hardangervidda over det største høgfjellsplatået i Nord-Europa byr på ei kontrastfylt reise frå store vidder og høge fjell, gjennom djupe, frodige dalar til blågrøne fjordar.

Hardangervidda er Noregs største nasjonalpark og er ein viktig tilhaldsstad for den største villreinstammen i Europa. Opplev den spektakulære Måbødalen med sin sjeldne og vakre flora. Området har verka som ein magnet på turistar sidan turismen sin barndom og har framleis tiltrekningskrafta intakt.

Hardangervidda byr på flotte naturopplevingar med mange merka løyper. Ta ein fottur på vidda eller prøv fiskelukka i eit av dei mange fjellvatna. Skal du krysse Hardangervidda vinterstid, fører dei barske verforholda innimellom til kolonnekøyring bak store brøytebilar.

Nasjonal turistveg Hardangervidda mellom Haugastøl og Eidfjord er 67 kilometer lang.

Strekninga over Hardangervidda kan være stengt når vinterveret er dårleg.

Informasjon om Nasjonal turistveg Hardangervidda, pdf for nedlasting.