Denne vegen går i vekslande natur langs frodige fjordar og nakne fjell. Køyreturen gjennom Ryfylke er variert, og du finn små bygder og tettstader med aktivt jordbruk og allsidig næringsliv.

Sauda, som er kjent for sin smelteverksindustri, ligg mellom fjell og fossar inst i Ryfylke og er eit handfast møte med norsk industrihistorie, slik også dei nedlagte sinkgruvene i Allmannajuvet er. Turen over Saudafjellet til Røldal er spektakulær der vegen lurer seg fram i mektig fjellterreng. Nokre av dei mest omtalte attraksjonane i Noreg som Preikestolen, Lysefjorden og Kjæragbolten oppdagar du på små avstikkarar langs strekninga. På denne vegen er det to korte ferjestrekningar der du kan oppleve fjordane også fra sjøen. 

Nasjonal turistveg Ryfylke går mellom Oanes ved Lysefjorden og Hårå ved Rødal og er 183 kilometer lang.

Strekninga mellom Helandsbygd og Røldal er vinterstengt. Vegen vert normalt stengt i november og opnar igjen i juni.

Informasjon om Nasjonal turistveg Ryfylke, pdf for nedlasting.