Vegen over Valdresflye gir vidsyn over fjell og vidde der den nærast svever inn i Jotunheimen, som starten på ei uendeleg reise. Nordover ser du inn i Jotunheimen Nasjonalpark der fjella er brattare og villare enn sørover der landskapet strekkjer seg ut i rolege drag.

Her er det kulturlandskap med stølsdrift og mange av dei mest tradisjonsrike turistbedriftene i det norske høgfjellet. Store delar av vegen går over tregrensa med det høgaste punktet på 1389 meter over havet.

Nesten same kor du vel å stoppe kan du finne gode fotturar. Særleg i området rundt Gjende er det et stort nettverk av merka stiar som innbyr til både korte og lange turar. Besseggen er den mest kjente fjellturen av dei alle.

Nasjonal turistveg Valdresflye går mellom Garli og Hindsæter og er 46 kilometer lang.

Vegen over fjellet er vinterstengt.

Informasjon om Nasjonal turistveg Valdresflye, pdf for nedlasting.