Ryfylke – arbeidet ved Flesefossen startar opp

Rasteplassen ved Flesefossen ligg vakkert til langs Nasjonal turistveg Ryfylke, men staden er prega av slitasje. Nå tar Statens vegvesen grep og bygger om plassen.

Rasteplassen skal fungere som hovudpunkt på delstrekninga på Fv 13 mellom Sand og Røldal.

Flesefossen er den største rasteplassen på strekninga mellom Sand og Røldal. Plassen ligg i Bratlandsdalen, ein trong dal på grensa mellom Odda og Suldal kommune.

Flesefossen langs Nasjonal turistveg Ryfylke - Illustrasjon - HaugenZohar Arkitekter

Flesefossen er omkransa av intens vestlandsnatur med bratte fjellformasjonar.

Med nedslite servicebygg, forvirrande parkering og gamle skilt er rasteplassen moden for eit løft. No startar ein omfattande oppgradering av staden.

Situasjonen på Flesefossen i dag - Foto - HaugenZohar Arkitekter

Rasteplassen slik han ser ut i dag. Foto: Haugen/Zohar Arkitekter

Ny rasteplass vil bestå av ei plattform i betong med ein langsgåande konstruksjon i stål og tre, der toaletta er integrert i den nordlege enden. Opparbeiding av parkeringsplass og plassering av sitjegrupper i terrenget er også ein del av arbeidet. Parkeringsplassen får plass til åtte personbilar og to bussar.

Flesefossen - ein ny turistvegattraksjon Illustrasjon - HaugenZohar Arkitekter (3)

Rasteplassen blir eit flott stopp langs Nasjonal turistveg Ryfylke.

Prosjektet har ei kostnadsramme på omlag 14 millionar kroner. Prosjektet er teikna av Haugen/Zohar Arkitekter og skal stå ferdig i 2021.

Byggherre: Statens vegvesen
Entreprenør: BG Suldal

Tilbake til nyheter