Språk
Aurlandsfjellet

Rasteplass og utsiktspunkt Røyrnes

Moderne toalettbygg ved fjorden. Foran bygget er det gangareal og sitjeplassar, med bratte fjellsider og Lærdalsfjorden i bakgrunnen.
Røyrnes ligg om lag fire kilometer vest for Lærdalsøyri. Rasteplassen har fått nytt toalettbygg og tilrettelagde opphaldsareal. Foto: Nasjonale turistveger, Statens vegvesen

GPS, Røyrnes:
61.103421, 7.43181

Tilgjengeleg for rullestol.

Toaletta er opne frå byrjinga av mai til slutten av oktober. Tømming av toalett frå bubil og campingvogn er ikkje tillat.

Langs den stille Lærdalsfjorden, vest for Lærdalsøyri, ligg Røyrnes, eit naturleg stopp på reisa over Nasjonal turistveg Aurlandsfjellet.

Her møter det blanke fjordvatnet dei bratte fjellsidene, og utsikta strekkjer seg langs fjorden i begge retningar. Plasseringa gjer Røyrnes til ein stad der det er lett å senke tempoet og ta inn landskapet.

Rasteplassen er utforma for både korte  og lengre pausar. Frå sitjeplassane kan du nyte utsynet over fjorden, medan trapper og opphaldsareal fører deg ned mot vasskanten. 

Med toalett, god parkering og enkel tilgang frå vegen ligg alt til rette for ei god pause i møtet mellom fjord og fjell. Rasteplassen har kapasitet til elleve personbilar, inkludert éin HC-plass, og fem bubilar.

Arkitekt: Jensen & Skodvin Arkitekter AS, v/ Jan Olav Jensen

Kart over strekningen

Toalettbygg og sitjeområde ved Røyrnes rasteplass, omgitt av tre, grøntareal og fjell.
Foto: Nasjonale turistveger, Statens vegvesen
Sitjegruppe i betong ved fjorden, omgitt av bjørketrær med gule haustblad.
Foto: Nasjonale turistveger, Statens vegvesen
Betongtrapp ved kanten av Lærdalsfjorden. Trappa følgjer terrenget ned mot vatnet, med fjord, fjellside og grått skydekke i bakgrunnen.
Foto: Nasjonale turistveger, Statens vegvesen

Flere rasteplasser og utsiktspunkt