Nasjonal turistveg Geiranger – Trollstigen
I slyng langs stupbratte fjell
Ei køyreoppleving langs ein tradisjonsrik turistveg i dramatisk vestlandsnatur med høge fjell og djupe fjordar, som lokkar både bil- og båtturistar.
Geiranger-Trollstigen byr på fleire høgdepunkt, og det er lett å få høg puls i dei elleve snirklete svingane i Trollstigen eller når du skodar utover frå Ørnesvingen ned mot Geirangerfjorden.
Frodige dalar, lune jordbærbygder, stupbratte fjell og utkikkspunkt gir både sug i magen og nokre av dei beste utsiktene Norge kan by på. Sett av god tid til turen, pausane er kjærkomne, same om du vil utfordre deg sjølv med ein topptur eller berre nyte synet.
Vegen er stengt
Reiseinformasjon
- Lengde
- 104 km
- MOH.
- 0 – 1038
- Overfarter
- 1 ferje
Nasjonal turistveg Geiranger-Trollstigen går mellom Sogge bru i Romsdalen og Langvatnet [63]. På ein del av strekninga må det nyttast ferje. Det er ferje på strekninga Eidsdal - Linge (klikk på ferjeikonet for rutetider).
For syklisten: Turen er ein krevjande høgfjellstrekning med tidvis lange og bratte stigningar og nedkøyringar. Den lettaste sykkelturen er med start frå Grotli. Det er mykje trafikk på strekninga i høgsesongen, legg gjerne turen til tidleg juni eller september.
Veg og trafikkinformasjon
- GPS, Sogge bru:
- 62.53207, 7.736939
- GPS, Langvatnet:
- 62.014219, 7.393992
Strekninga mellom Langvatnet til Geiranger er normalt vinterstengt i november til mai. Tidlegare stengingar har vore 18. november til 9. januar. Tidlegare opningar har vore 9. mai til 17. juni.
Trollstigen er normalt vinterstengt i oktober til mai. Tidlegaste opning er 11. mai og seinaste opning er 12. juni. Tidlegaste stenging er 30. oktober og seinaste stenging er 7. desember.
Det er viktig å merke seg at når vegane opnar for sommaren kan dei i ein periode bli stengt om natta. Våren er lunefull i fjellet og vegen kan ved uvær bli stengt på kort varsel.
Når vegen er vinterstengt vil strekninga bli vist med rød strek i kartet.
Strekninga i Trollstigen har restriksjonar for lengde på buss. Maksimal lengde er 13,1 meter.
-
Bilde 1 av 13: Trollstigvegen med utsiktsplattformen. Foto: Frid-Jorunn Stabell, Statens vegvesen -
Bilde 2 av 13: Sogge bru over Rauma markerer nordre ytterpunkt på Nasjonal turistveg Geiranger-Trollstigen. Foto: Jarle Wæhler, Statens vegvesen -
Bilde 3 av 13: Trollstigvegen med Stigfossen. Foto: Jarle Wæhler, Statens vegvesen -
Bilde 4 av 13: Trollstigplatået med kaféen. Foto: Jarle Wæhler, Statens vegvesen -
Bilde 5 av 13: Vegen mellom Trollstigen og Valldal, under tindene Bispen og Kongen. Foto: Jarle Wæhler, Statens vegvesen -
Bilde 6 av 13: Fv. 63 i Meiadalen, øverst i Valldal. Foto: Magne Flemsæter, Statens vegvesen -
Bilde 7 av 13: Gudbrandsjuvet kafé. Foto: Roger Ellingsen, Statens vegvesen -
Bilde 8 av 13: Linge ferjekai, ferje Linge-Eidsdal over Norddalsfjorden. Foto: Roger Ellingsen, Statens vegvesen -
Bilde 9 av 13: Valldal er kjent for jordbær av høy kvalitet. Foto: Jarle Wæhler, Statens vegvesen -
Bilde 10 av 13: Ørnesvingen over Geiranger. Foto: Jarle Wæhler, Statens vegvesen -
Bilde 11 av 13: Vegminnet "Knuten", tidligere vegsløyfe fra 1889, nå kun tilgjengelig til fots eller med sykkel. Foto: Jarle Wæhler, Statens vegvesen -
Bilde 12 av 13: Kvanndalssetra. Foto: Roger Ellingsen, Statens vegvesen -
Bilde 13 av 13: Djupvatnet på fjellet mellom Grotli og Geiranger. Foto: Roger Ellingsen, Statens vegvesen
Opplevingar
Trollstigvegen har i fleire hundre år vore viktig for ferdselen mellom Valldal og Åndalsnes. Først som ein sti, deretter som rideveg heilt fram til Trollstigvegen vart starta i 1916. Delar av den opprinnelege kløvstien er framleis synleg og farbar til fots.
Med ferje på fjorden kan du komme tett på dei kjente fossefalla Dei Sju Systre, Friaren og Brudesløret og samtidig oppleve den mest berømte fjorden i verda, Geirangerfjorden, som er på UNESCO si verdsarvliste.
Nasjonal turistveg Geiranger -Trollstigen gir eit vell av turmogelegheiter i eventyrleg fjell- og fjordlandskap. Ein flott, men særs bratt tur er turen opp til den maleriske garden Skageflå som startar med båt ut Geirangerfjorden. Stien frå Trollstigen opp til Bispevatnet innbyr til ein roleg tur under dei mektige fjella. Ved foten av Trollstigen kan du gå ein enkel rundtur langs den brusande elva.
Nyttige lenker
-
Offisiell reiseguide for Norge
-
Kart med info om sove, spise og gjøre
-
Oversikt over ferjeruter og tider
-
Reis med buss, tog, ferge, trikk, bane og fly
De 18 nasjonale turistvegene
Nasjonale turistveger er kjøreturer gjennom vakker norsk natur. Opplevelsen forsterkes med nyskapende arkitektur og tankevekkende kunst på tilrettelagte utsiktspunkter og rasteplasser.
