Hardangervidda, 1140 moh, med innsjøen Ørteren.
Hardangervidda. Foto: Helge Stikbakke, Statens vegvesen

Frå høgfjellsplatå til vestlandsnatur

Ei kontrastfylt reise frå store vidder til møte med det vestlandske fjordlandskapet. Vøringsfossen og Måbødalen er ein barsk overgang frå aust til vest. 

Hardangervidda byr på varierte opplevingar, frå der vegen bølgjer seg dovent over dei store flatene til den tronge, bratte og ville Måbødalen, før du plutseleg ikkje lenger er på høgfjellet, men i den vesle bygda Eidfjord inst i Hardangerfjorden.

På vinterstid endrar tilhøva seg over fjellet frå time til time. Ofte kan du oppleve kolonnekøyring bak store brøytebilar som strevar med å gjere vegen køyrbar.

Reiseinformasjon

Lengde
67 km
MOH.
0 – 1251

Nasjonal turistveg Hardangervidda går mellom Eidfjord og Haugastøl [7]. Hardangervidda er open for trafikk heile året.

For syklisten: Turen har naturleg start på Haugastøl. Vær merksam på tunge og lette køyretøy i sommartrafikken. På grunn av fleire tunellar er vegen stengt for syklistar ned Måbødalen. Ta evt. buss og fortsett turen til Eidfjord og vidare mot vest. Den gamle vegen er stengd pga. fleire ras. Turen går høgt til fjells og veret kan være omskifteleg sjølv på sommarstid. Nasjonal sykkelrute 4.

Veg og trafikkinformasjon

Kartinformasjon

GPS, Haugastøl:
60.511074, 7.851148
GPS, Eidfjord:
60.455155, 7.092544

Gpx-fil til nedlasting for gps og navigeringsapp.
Fila har køyreretning frå Eidfjord til Haugastøl. Gpx-filer for alle Nasjonale turistveger. Endringar av køyremønster må brukarane sjølv tilpasse.

Informasjon

Tømming av toalett frå bubil og campingvogn er ikkje tillate på våre toalett. Anlegget er ikkje konstruert for slik bruk. Næraste tømmeplass er Øvre Eidfjord.

Vinterinformasjon

Om vinteren kan vegen bli stengd over fjellet i kortare periodar ved dårlig ver. Vegen kan og bli stengd over vidda slik at villreinen får beite i fred.
På grunn av mykje snø og glatt underlag er Vøringsfossen stengd om vinteren.

Opplevingar

Køyreturen går over det største høgfjellsplatået i Nord-Europa. Her møter du dei store viddene, djupe, frodige dalar, høge fjell, isbrear i det fjerne, fossar og blågrøne fjordar.

Opplev Vøringsfossen, Norges mest kjente foss. Vatnet som drønner ned fjellsida i fritt fall på 182 meter er eit imponerande syn. Strekninga gjennom Måbødalen er ein fantastisk del av vegen og kan nytast gjennom bilvindauget. Her veks også ein sjeldan og vakker flora. Oppe på høgfjellsplatået får du eit imponerande panorama med Hardangerjøkulen i bakgrunnen.

Terrenget egner seg godt for fotturar, og dei mange fjellvatna gir deg høve til å skaffe din eigen middag, dersom fisken bit. På Hardangervidda finn vi også ein av dei største villreinstammane i Europa. Har du tolmod og hellet med deg kan du sjå dei fantastiske dyra i sitt rette element.

Nyttige lenker

De 18 nasjonale turistvegene

Nasjonale turistveger er kjøreturer gjennom vakker norsk natur. Opplevelsen forsterkes med nyskapende arkitektur og tankevekkende kunst på tilrettelagte utsiktspunkter og rasteplasser.

Se alle turistvegene