Nasjonal turistveg Gaularfjellet
Frå Sognefjorden til Fosseheimen
Eit fredfullt alternativ til stamvegane frå Sunnfjord til Sogn. Langs verna vassdrag og stille fjordarm fram til turiststaden Balestrand.
Gaularfjellet er ein godt bevart hemmelegheit for dei fleste. Køyreturen går langs fjorden før vegen snirklar seg opp mot det høgste punktet på fjellet. På rasteplassen Utsikten kan du nyte synet av eit frodig og vakkert landskap der vegen slynger seg oppover lia.
Vegen følgjer Gaularvassdraget, eit av få verna vassdrag som byr på alt frå ville stryk og fossar til rolege parti kor vatnet flyt stille av stad. Ein tur over den spenstige brua Likholefossen gir ei oppleving av å vere midt i det sprudlande fossesuget. Turistvegen kan inngå i mange rundturar.
Vegen er stengt
Reiseinformasjon
- Lengde
- 114 km
- MOH.
- 0 – 743
Nasjonal turistveg Gaularfjellet går mellom Balestrand og Moskog [613] og mellom Sande og Eldalsosen [610]. Frå Balestrand er det mogleg å ta fine avstikkarar. Ein båttur som endar nesten ved Jostadalsbreen er eit fint sett å oppleva naturen på.
For syklisten: Start turen på Moskog slik at stigningane både opp mot Rørvikfjellet og mot toppen av Gaularfjellet ikkje blir for tunge. Alternativ rute er med start på Sande. Frå Utsikten ned til fjorden byr vegen på ei bratt utforkøyring.
Veg og trafikkinformasjon
- GPS, Moskog:
- 61.442286, 6.002698
- GPS, Balestrand:
- 61.210477, 6.528711
- GPS, Sande:
- 61.326786, 5.797906
Strekninga over Gaularfjellet mellom Mel og Mjell er normalt vinterstengt i desember til april. Tidlegare stengingar har vore 20. november til 3. januar. Tidlegare opningar har vore 14. april til 2. mai.
Det er viktig å merke seg at når vegane opnar for sommaren kan dei i ein periode bli stengt om natta. Våren er lunefull i fjellet og vegen kan ved uvær bli stengt på kort varsel.
Når vegen er vinterstengt vil strekninga bli vist med rød strek i kartet.
-
Bilde 1 av 14: Sværefjorden. Foto: Roger Ellingsen, Statens vegvesen -
Bilde 2 av 14: Balestrand, Foto: Jarle Wæhler, Statens vegvesen -
Bilde 3 av 14: Bårddalen. Foto: Trine Kanter Zerwekh, Statens vegvesen -
Bilde 4 av 14: Utsikten. Foto: Hilde M Strangstadstuen, Statens vegvesen -
Bilde 5 av 14: Utsikten. Foto: Frid-Jorunn Stabell, Statens vegvesen -
Bilde 6 av 14: Nystølsvatnet. Foto: Bjørn Andresen, Statens vegvesen -
Bilde 7 av 14: Nystølsvatnet. Foto: Jarle Wæhler, Statens vegvesen -
Bilde 8 av 14: Eikelandsfossen. Foto: Trine Kanter Zerwekh, Statens vegvesen -
Bilde 9 av 14: Likholefossen. Foto: Jarle Wæhler, Statens vegvesen -
Bilde 10 av 14: Holmevatnet. Foto: Frid-Jorunn Stabell, Statens vegvesen -
Bilde 11 av 14: Hestad kapell. Foto: Bjørn Andresen, Statens vegvesen -
Bilde 12 av 14: Hestad rasteplass. Foto: Frid-Jorunn Stabell, Statens vegvesen -
Bilde 13 av 14: Råheimselva i Viksdalen. Foto: Frid-Jorunn Stabell, Statens vegvesen -
Bilde 14 av 14: Kviknes Hotell i Balestrand. Foto: Trine Kanter Zerwekh, Statens vegvesen
Opplevingar
Vegen vart raskt ei viktig ferdselsåre frå den vart opna i 1938. I dag er vegen eit fredeleg alternativ til hovudvegane som tar det meste av trafikken.
Balestrand er ein flott start på turen, der er det også råd å ta båt inn til Fjærland og besøke bremuseet. Det er enkle og funksjonelle punkt langs heile vegen som gjer det råd å stoppe, strekke på beina eller berre nyte utsikta. Elva Gaula har 29 større fossar med Likholefossen og brua over som eit høgdepunkt.
Fossestien er ein 21 km lang vandreveg som går langs elva Gaula parallelt med turistvegen. Ein kan velje om ein vil gå heile turen, eller berre delar av den. Stien går forbi fleire større fossar og gjennom eit frodig kulturlandskap med aktive gardsbruk. Langs strekninga finn du også fjellturar til flotte utsiktspunkt og rolege fjellvatn der det er mogeleg å fiske.
Nyttige lenker
-
Offisiell reiseguide for Norge
-
Kart med info om sove, spise og gjøre
-
Reis med buss, tog, ferge, trikk, bane og fly
De 18 nasjonale turistvegene
Nasjonale turistveger er kjøreturer gjennom vakker norsk natur. Opplevelsen forsterkes med nyskapende arkitektur og tankevekkende kunst på tilrettelagte utsiktspunkter og rasteplasser.
